Masharti na Vigezo
Karibu Almasi – Afrimarketstore
Unapotumia soko letu la kidijitali kununua au kuuza bidhaa, unakubaliana na masharti yafuatayo ya matumizi. Tafadhali yasome kwa makini kabisa kabla ya kuanza miamala.
1. Usajili wa Akaunti
- Wauzaji na Wateja: Kila mtumiaji lazima atoe taarifa za kweli na zilizothibitishwa. Muuzaji atatakiwa kuwasilisha nyaraka za kisheria zikiwemo: Namba ya Utambulisho wa Mlipakodi (TIN), Leseni halali ya Biashara, Kitambulisho cha Taifa (NIDA/Paspoti), na Cheti cha Usajili kutoka BRELA (BRELA Certificate), pamoja na namba ya simu inayofanya kazi wakati wa usajili. Mteja lazima atoe taarifa sahihi na za kweli zilizoombwa kujazwa kwenye jedwali lake la usajili kwa ajili ya kufanikisha uwasilishaji wa mzigo.
- Ulinzi: Ni wajibu wako kulinda kwa nenosiri (password) la akaunti yako. Almasi Marketplace Limited haitahusika na hasara au utapeli wowote utakaotokana na uzembe wako wa kutoa siri za akaunti yako nje.
2. Masharti ya Uuzaji na Malipo
- Malipo ya Kabla (Pre-paid): Ili kulinda mitaji ya wauzaji wetu na kuzuia mifumo ya ughairi holela, wateja wote wanatakiwa kukamilisha malipo kwa 100% kwa kutumia njia rasmi na salama za kidijitali zilizopo kwenye mfumo wetu wa malipo kabla ya mzigo kufungwa na kusafirishwa.
- Kamisheni ya Soko: Almasi Marketplace Limited itakata kamisheni ya asilimia nane (8%) ya makubaliano kwa kila mauzo yaliyofanyika kwa mafanikio kupitia jukwaa hili.
- Marufuku: Ni marufuku madhubuti kwa muuzaji na mteja kufanya biashara au malipo nje ya mfumo wa Almasi kwa kutumia taarifa zilizopatikana ndani ya jukwaa hili. Mtumiaji yeyote atakayebainika kukiuka sheria hii akaunti yake itafungiwa maisha, na kampuni haitahusika kwa utapeli wa pesa au upotevu wa bidhaa utakajiotokeza nje ya usimamizi na usalalama wa mifumo yetu.
3. Usafirishaji na Mizigo (Ulinzi Maalum wa Almasi Logistics)
- Uwasilishaji: Tofauti na mifumo ya kawaida ya marketplace, Almasi Marketplace Limited itawajibika kisheria kukagua ubora na usahihi wa bidhaa zote, kuzifunga kiprofeshinali (Packaging), na kusafirisha mzigo kwenda kwa mteja ndani ya muda uliopangwa mara tu baada ya kupokea na kuthibitisha oda kwenye mfumo. Timu ya Almasi inakagua kila bidhaa ili kuhakikisha inalingana kwa 100% na oda iliyowekwa na mteja ili kuzuia bidhaa feki, mbovu, au tofauti na maelezo ya jukwaa.
- Ufuatiliaji: Mteja atapewa namba maalum ya ufuatiliaji wa mzigo wake (Tracking Number) kupitia App au Website ili kuona hatua kwa hatua mahali mzigo ulipo hadi utakapomfikia mlangoni kwake au mkoa wowote nchini Tanzania.
4. Sheria Inayotumika
- Sheria za Nchi: Ni marufuku kabisa kutumia jukwaa hili kufanya miamala isiyo halali, ya kitapeli, au kutakatisha fedha (Anti-Money Laundering compliance). Almasi inashirikiana kikamilifu na mamlaka za dola kudhibiti fraud yoyote.
- Mamlaka ya Kisheria: Masharti haya yote ya matumizi yanatawaliwa, kulindwa, na kufafanuliwa chini ya sheria zote halali za Jamhuri ya Muungano wa Tanzania. Mgogoro wowote utakaoshindikana kutatuliwa kwa njia ya amani ya ofisi yetu utapelekwa kwenye mahakama zenye mamlaka nchini Tanzania.